Leonora Bruçaj u lind në Istog. Shkollën fillore dhe gjimnazin “Haxhi Zeka” i kreu në vendlindje, kursestudimet e larta i vazhdoi në Fakultetin e Filologjisë të Universitetit të Prishtinës në Degën e Letërsisë Shqipe.
Ka përfunduar studimet Master në Fakultetin e Filologjisë,Universiteti i Prishtinës, Dega Letërsi Shqipe, Drejtimi Shkencor, dhe aktualisht është në studimet doktorale në Degën e Letërsisë Shqipe, Fakulteti i Filologjisë në Universitetin e Prishtinës. Ka përfunduar po ashtu edhestudimet Master në Kolegjin FAMA, Drejtimi Marrëdhënie Ndërkombëtare dhe Diplomaci.
Tani është profesoreshë në Universitetin e Prizrenit, Fakulteti i Filologjisë.
Në vitin 1993 u anëtarësua në Shoqatën e Shkrimtarëve tëKosovës si anëtarja më e re, me ç’rast u shpërblye me çmimin e parë për poezinë më të mirë dhe, njëherazi mori si shpërblim një libër nga Presidenti i ndjerë, Ibrahim Rugova, gjatë kohës sa ai ishte kryetar i Shoqatës së Shkrimtarëve të Kosovës.
Leonora Bruçaj, përveç poezive të shumta që ka publikuar në revistat e kohës siç ishin: “Pionieri”, “Gep”, “Shëndeti”, “Dielli”, “Kosovarja”, “Zëri i Rinisë”, “Rilindja”, “Bota e Re” dhe në Revistën “Bashkimi” në Shqipëri, është autore edhe e dy përmbledhjeve poetike: “Vdekja e Balozit”,Prishtinë – Shtëpia Botuese “Rilindja” 1993, si dhe “Dhembje e harresës”, Prishtinë – Shtëpia Botuese “Rilindja” 1998 kurse në dorëshkrim tani ka edhe përmbledhjen tjetër me poezi me titull “Brerimëpolitikash”.
Leonora Bruçaj, merret gjithashtu edhe me prozë.
Është studiuese e Letërsisë dhe merret me studime shkencore letrare. Ka marrë pjesë edhe në shumë konferenca shkencore si në Kosovë, Shqipëri, Mal të Zi, Maqedoni e Gjermani, dhe është e pajisur me shumë certifikata e mirënjohje.
Ëndërr me ty!
Shpirti im gufon së thelli
Për sy t’bukur dashurie
Për ledhatimin që natën fuqizon
Me atë dashuri,
që asnjë termet s’do mund të të përpijë
Çfarë brengë na solli terri këtë herë
Kjo brengë ka aromën luledielli
Kur marrë frymë lehtë pranë kraharorit tënd
Duke menduar si ta shkruaj
nesër dramën për kujtimin e hidhur
Kur vije mëngjesi të ikim padiktueshëm
Duke rrëfyer pa psherëtimë për natën pa kthim
Sonte po çmallemi se dashuruari
Unë dhe ti dy lot në sytë e botës
Kësaj bote që ka nur urrejtjeje
Këtë natë të gjatë sa vet jeta
I lutem njerëzimit të bie në gjumë
Mos t’dëgjoj mallkimet për humbje
Kur ti je më i thellë se gjumi i detit
Kur shpirtrat tanë
ndiejnë etjen si lulja në Saharë
Si do ikim se bashku
pa na diktuar terri këtë herë
Pa e parë mëngjesin e hershëm
si e gjen dashurinë e zhveshur nga frika
Nga frika për humbjen tënde
Humbjen tënde që kurrë s’ishe me mua
Vetëm sonte në këtë natë të gjatë
Në këtë ëndërr të përjetuar se zgjuari
Do t’mundohem të t’hudhi
n’t’ardhmen e shpirtit tim!
Ç’më duhet
Ç’më duhet mua hipokriti
Në gjyq me shkëlqimin tim vajzëror
Në mbrojtje të titullit” e virgjër”
Ç’më duhet një dashnor hiptonik
Që kërkon dorën time nga babai im
Ç’më duhet aristokrati për shpirtin tim feudal
Ç’më duhet mbreti
Kur mbretëritë e mia janë
vargjet e thyera që i shkrova për ty
Ç’më duhet poeti
Kur vargjet dikush t’i rrëmben
Ç’më duhet dielli
Kur mbytemi në detin e gjelbërimit për dashurinë
Ç’më duhet gjumi
kur shpirtin tim e qetëson
bylbyli me simfoninë e tij
Ç’më duhet vandali
Kur unë jam romake e etur
për ikjen tënde
Ç’më duhet të iku nga kjo botë
Kur akoma s’kam jetuar për ty.
Rrëfim i pa treguem
N’agimin e pranverës
kam andërr t’ pres krahëhapur
Pêr dashunin’ q’i kurr’ bashk’ s’e gzuem
Njoh mirë c’a dashnor’
E, kurr’ nuk u deshtën
Jetuan bashk’ për hatër t’dikujt tjetër
E fëmijët mbeten pa mbiemën
Për dashnin’ e tyne t’gjith’ u trishtuen
Sonte n’kët pranver’ kur ik’ zemërimi
Ajo dashuni mbetet si gëzim i parrëfyem
Ndoshta do t’harrohet shpejt’
Do t’vdes’ poeti
Do t’vdes’ poezia
Askush s’do t’rrëfen
Për tradhëtit’
Si Heloiza e re
Q’i e lindi fëmin’ vëlla
Dhe theu heshtjen n’planetin ton’
Tani t’kërkojn’ nuse dit’ e nat’
Po shoqen tande s’e gjejn’ askund tjetër përpos n’pasqyrën t’ande
Ose n’përrallëzat e Onikut
Apo në vargjet e Homerit
Q’i treguan se dashunia s’njeh mosh’ as kufi
As racë, as gjini
E vasha e etun’ për hanën n’lindje
E diellin n’perëndim
Mbeti e shtrirë në shtratin
E njomur me lang’ dashunie
Duke pritur
Diellin t’i lshoj’ rrezet t’a ngrohê
Dhe hënën ta puhitë drejtë gjumit t’pakthim’
T’çmallet n’argëtime…