(Brigadës 136 Rugova, në 21 vjetorin e dëshmorve) Nga Çun Lajçi

Bimëve t’Pepajve

(Brigadës 136 Rugova, në 21 vjetorin e dëshmorve)

Nëse
Ka nji vend ku rrezitë dielli
Veç emna
Ajo asht nji kodër mija metra mbi Drelaj
Nji lendinë dhetë pash nën Hajlë
Ku bari rritët nga gjaku
Nga loti përrojet rrjedhin gurrave
Nëse ka nji vend ku ndritë hana
Veç shpirtna
E shpendi i natës iu ban roje
Ajo asht nji breg nji kodër nji lendinë
N’Pepajt e Pepit
Ku fajkojt numërojnë pranverat
Tane Husaj rrin n’divan me duvak
Selmani prehet me shpata me Ramushin
Xixa nxjerrin tehat si unuri
Besniku me Xhavitin lojën e kobureve
E luejn randë
Rama Sokoli Latifi Ademi Lajç të tanë
Përdredhin shtatin para zurlave
Dhanduerr i bahen tokës për bimën
Për lisat e lirë t’Rugovës e lirinë e atdheut
Nëse ka nji vend ku duhet me shkua
Janë varret e dëshmorve t’brigadës 136
N’Pepajt e Nik Pepit

Dardani, 19.04.2020