Një dritë e kërkuar me një frymë filozofike
(“Drita e ditëve të zakonshme”, Kristine Doll, poezi, përkthyer nga anglishtja, Jeton Kelmendi)
Sa herë kërkojmë dritë në errësirën e së panjohurës, udhëtojmë drejt pushtimit të jetës me ngjyrat e kërkimit, dashurisë, vullnetit dhe guximit. Poetja dhe përkthyesja amerikane, Kristine Doll, vjen para publikut lexues, shqiptar, përkthyer nga poeti dhe profesori, Jeton Kelmendi, me një vëllim poetic modest prej 31 poezive, ku brumi poetic ruan tharmin filozofik dhe atë urban.
Libri hapet me poezinë Indeksi Alfabetik, ku autorja paraqet një sintezë tematike: dita, elegjia, drita, liqeni, tezja, zogjtë e babait tim, shokët,…, rezonojnë një kërkim, përsiatje dhe dashuri për jetën. Po të ndalemi te poezia “Lac Megantic-Un Kebek”, autorja bart një ndërtim modern poetic, kategorinë e vdekjes.Autorja ofron një picturë sa metaforike, po aq reale, ku zogjtë mbesin simbolikisht këngë e jetës, këngë e qiellit, që i gjason një muzike të ëmbël, të patejkaluseshme. Ndërsa poezia “ Uvalde është një familje, ruan një mision, shpërfaq një botë në vete, një ndërtim të jetës, ku autorja ofron një letërnjoftim poetic: ku vuajtja, ndërtimi dhe udhëtimi për Uvalden mbesin një karakteristikë dhe një betim shpirtëror-jetësor. ” Ne vuajmë me Uvalden/Uvalde është familje” (fq.12). Pra, kur Uvalde është familje, atëherë familja në miniature është atdhe , ku si një çift i përkushtuar për familje, jap një mesazh njerëzor, fisnik se njeriu kur do e ndërton fisnikërisht kudo çerdhën e jetës. Poezia “Miqtë e mi”, reflekton një mesazh përkushtues për forcën, dashurinë, misionin e poetëve në jetë, ku poezia bart një ndërtim semantic shumëdimensionalë. Fillim e fund ka një stil të lartë metaforik “ Unë i dëgjoj ata duke gdhendur fjalë/ Nuhasin ato në çarçafët e mi/ Shijoni ato në ushqimet e zogjve të errët/ Dhe kur ato largohen- të tillë shfaqen”.(fq.15).
Ndërsa poezia “ Mbledhja e dritës është ndër poezitë e thella estetike ku lexuesi ballafaqohet me dritën si jetë, burim, dhe me dritën si dashuri e dashur zonjë, ku figura letrare e krahasimit i jap elementin ndriçues si përkushtim :
“Ti kudo dhe askund duke u bashkuar në një dritë me të madhe” (fq.16). Po kush mund të jetë drita më e madhe se sa zemra që rrezaton të gjitha nyjet nevralgjike emocionale, pra, jetën. Poezia “ Viti i Ri” është një krijim artistic i mallit, poezi e etjes shpirtërore ku tharmi erotic stolis fund e krye poezinë.pra, ky vëllim poetic komunikon here si meditim, here si rrëfim poetic. “Dy elegji për nënën time”, bart artin estetik të dhimbjes, artin e dashurisë, artin e forces, artin e mallit. Pozia “ Shkretetimë”, është njëra ndër poezitë më të arrira estetiko –filozofike ku ruhet qenësorja.Njeriu është gjithmonë i pafuqishëm përballë natyrës, por kur rrënjët e fuqishme si një lis rrënjëthellë, atëherë edhe stuhia e egër s’mund ta përplasë për tokë. Njeriu, kalitet, digjet, sfidohet , sa shpesh “vdes” në jetë, por zgjohet fitimtar-faqebardhë, kur i vlon gjaku i qëndresës, vullnetit, guximit dashurisë dhe kërkimit. Në njërën anë, heroi lirik rrëfen çfarë ka pësuar :
“ Unë kam parë lëkurën time të digjet për ndezje si tymi”, në anën tjetër rrëfen: rritën, qëndresën, mosnënshtrimin përballë jetës së egër që na ofron jeta nëpër beteja : “ Unë ende ndjej gjethet e mia duke lulëzuar/ Lëngjet e mia që rritën”.
“ Në poezitë e Kristine Doll-it, të jetosh gjithmonë kërkon balancim mes të njohurës dhe të panjohurës, ndërsa udhëton në drejtim të kujdesit, dhembshmurisë dhe mirësisë” (shkruan në parathënie të librit, Bill Wolak, Bogota, 2018).
Autorja shquhet me një stil figurativ, ku ndër figurat kyçe përdor metaforën , krahasimin . antitezën si dhe simbolin, ndërsa ruan një modernitet dhe i ik deklaratizmave në poezi.
Miniera e poezive të Dollit në çdo poezi shquhet me diamante artistike -filozofike ku jeta duhet të ngadhnjejë mbi vdekjen, dashuria mbi urrejtjen, drita ndaj errësirës, e bukura ndaj të shëmtuarës…
Maxhun Osmanaj, Istog, shkurt 2023